you can login to your account or register with kal

سۆرانی ئاخێڤێن ئاکاده‌میێ ژی ل گه‌ل سۆرانی کرنا کوردیێ نه‌

سۆرانی ئاخێڤێن ئاکاده‌میێ ژی ل گه‌ل سۆرانی کرنا کوردیێ نه‌

سپێده‌یا 16/11 2008-ێ جڤاتا ئاکاده‌میا کوردستانێ یا بنگه‌ها وێ ل هه‌ولێرێ (ئاکاده‌میا ره‌سمی یا گرێدایێ سه‌رۆک وه‌زیریێ ل باشوورێ کوردستانێ) جڤینه‌ک ل گه‌ل چه‌ند نڤیسکارێن کورمانجیاخێڤ ل باژارێ دهۆکێ چێ کر. د ڤێ جڤینێ ده‌ گێنگاشه‌ ل سه‌ر زمانێ کوردی یێ په‌روه‌رده‌یێ ئوو یێ ره‌سمی هات کرن. نڤیسکارێن دهۆکێ ئوو رێڤه‌به‌رێ په‌روه‌رده‌یا پارێزگه‌ها (ویلایه‌تا) دهۆکێ کو ئه‌و ژی د جڤینێ ده‌ ئاماده‌ بوو، رژد بوون ل سه‌ر هندێ کو دڤێت کورمانجی ژی مل ب ملێ سۆرانیێ زمانێ خوه‌ندن ئوو فێرکرن ئوو کارووبارێن فه‌رمی به‌.

وان دیار کر کو نزمبوونا ئاستێ سه‌رکه‌تنێ د خوه‌ندنگه‌هێن دهۆکێ ده‌ ژ هه‌می خه‌لکێ دهۆکێ ره‌ بوویه‌ جیێ دلگرانیه‌کا مه‌زن. رێژه‌یا سه‌رکه‌تنا خوه‌ندنکارێن ئاماده‌یی (لیسه‌یێ) %14 بوو ئوو ئه‌گه‌را ڤێ ئه‌نجاما گه‌له‌ک خه‌راب ژی ئه‌و ئه‌ کو نه‌ مامۆسته‌ سۆرانیێ دزانن ئوو نه‌ ژی دایووباب ئوو وه‌ها دایووباب ژی نکارن ژ زارۆکێن خوه‌ ره‌ ئاریکار بن. به‌رده‌وامبوونا ڤێ ره‌وشێ دێ ببه‌ ئه‌گه‌را ئه‌نجامێن گه‌له‌ک خه‌راب د پاشه‌رۆژا خه‌لکێ ڤێ ده‌ڤه‌رێ ده. ئه‌ڤ جڤین ژی وه‌ک گه‌له‌ک جڤینێن دن بێ ئه‌نجام بوو ئوو ئه‌ندامێن سۆرانیاخێڤ ژ ئاکاده‌میێ هه‌ر قه‌وانه‌یا به‌رێ لێ دا کو دڤێت سۆرانی زمانێ ب ته‌نێ به‌ ل کوردستانێ.

هه‌ر ژ به‌ر ئه‌نجاما خه‌راب یا ڤێ جڤینێ د ئه‌ینی رۆژێ ده‌ ل ئێکه‌تیا نڤیسه‌رێن کورد ل دهۆکێ چه‌ند نڤیسکار ئاماده‌بوون ئوو جڤینه‌ک کر ئوو یێن ئاماده‌ ئه‌ڤ بوون:

1. ره‌شید فندی، جهگرێ ئاکاده‌میا کوردستانێ.
2. موه‌یه‌د ته‌یب، ئه‌ندامێ کارا یێ ئاکاده‌میا کوردستانێ ئوو به‌رپرسیارێ ده‌زگه‌ها سپیرێزێ یا چاپ ئوو وه‌شانێ.
3. در. کامیران به‌رواری (به‌ناڤی)، مامۆسته‌یێ زانینگه‌ها دهۆکێ.
4. سه‌گڤان جه‌میل، مامۆسته‌یێ زانکۆیێ.
5. وارکێس مۆسێس سه‌رکیسیان، رێڤه‌به‌رێ گشتی یێ په‌روه‌رده‌یا دهۆکێ.
6. حه‌سه‌ن سلێڤانه‌یی، سه‌رۆکێ ئێکه‌تیا نڤیسه‌رێن کورد ل دهۆکێ.
7. در. فازل ئۆمه‌ر، سه‌رۆکێ جڤاتا پارێزگه‌ها دهۆکێ.
8. ئه‌همه‌د ئه‌بدڵا زه‌رۆ، سه‌رۆکێ به‌رێ یێ ئێکه‌تیا نڤیسه‌رێن کورد ل دهۆکێ.
9. موسه‌دده‌ق تۆڤی، نڤیسکار.
10. مههمه‌د ئه‌بدڵا، جهگرێ سه‌رۆکێ ئێکه‌تیا نڤیسه‌رێن کورد ل دهۆکێ.
11. ئیسمایل تاها جه‌نگیر، سه‌رۆکێ تایێ دهۆکێ یێ ساندیکایا رۆژنامه‌ڤانێن کوردستانێ.
12. به‌هرۆز شوجای، مامۆسته‌یێ زانینگه‌ها دهۆکێ.

به‌شدارێن جڤینێ بریار دا کو ئه‌و شانده‌کێ پێک بینن ئوو ئه‌و شانده‌ بچه‌ جه‌م وه‌زیرێ په‌روه‌رده‌یێ ئوو جاره‌کا دن ڤێ ئارێشه‌یێ پێ ره‌ مناقه‌شه‌ بکه. حه‌روه‌ها بریار هات دان خه‌بات ئوو دووچوون به‌رده‌وام بن هه‌تا کورمانجی ل ده‌ڤه‌رێن کورمانجیاخێڤان ببه‌ فه‌رمی د هه‌می کارووباران ده‌.

به‌ری دو مه‌هان جڤاتا پارێزگه‌ها دهۆکێ »کۆمیته‌یا پاراستنا زمان ئوو چانده‌یا کوردی ل پارێزگه‌هێن مووسل ئوو دهۆکێ« داماه‌زراند ئوو ئه‌و پێک تێت ژ:

1. موه‌یه‌د ته‌یب، ئه‌ندامێ کارا یێ ئاکاده‌میا کوردستانێ ئوو به‌رپرسیارێ ده‌زگه‌ها سپیرێزێ یا چاپ ئوو وه‌شانێ. ،
2. مههمه‌د ئه‌بدڵا، جهگرێ سه‌رۆکێ ئێکه‌تیا نڤیسه‌رێن کورد ل دهۆکێ.
3. در. فازل ئۆمه‌ر، سه‌رۆکێ جڤاتا پارێزگه‌ها دهۆکێ.
4. به‌هرۆز شوجای، مامۆسته‌یێ زانینگه‌ها دهۆکێ.
5. وارکێس مۆسێس سه‌رکیسیان، رێڤه‌به‌رێ گشتی یێ په‌روه‌رده‌یا دهۆکێ.

یه‌ک ژ کارێن ڤێ کۆمیته‌یێ ژی ئه‌و ئه‌ ئه‌و ل په‌ی خه‌بات ئوو کارێن بکارانینا کورمانجیێ د په‌روه‌رده‌ ئوو خوه‌ندنگه‌هان ده‌ ل ده‌ڤه‌رێن گرێدایی ویلایه‌تێن دهۆک ئوو مووسلێ بچه‌ ئوو کار ژ بۆ بکه‌.

 کولتورنامه‌

No votes yet